زمانم لێ داگیر کرا...

زمانم لێ داگیر كرا
مێشک و دڵم خورا ، برا
خوێنیان مژیم، گۆشتیان خواردم
ئێسكیان به‌ سه‌یان ئه‌سپاردم
لای توركه‌ نیوه‌ی كه‌لاكم
عه‌جه‌م به‌ربوونه‌ لوولاكم
عاره‌بیش به‌شی خۆی ده‌وێ
قه‌پێک لێره‌ قه‌پێک له‌وێ
هه‌ر له‌ یه‌ک سه‌عات و یه‌ک ده‌م
عه‌ره‌بم و توركیشم و عه‌جه‌م
پێم ده‌ڵێن توركی كێوانی
یان له‌ قه‌حتان و شه‌یتانی
یه‌ك ده‌ڵێ مێژوومان یه‌كه‌
ئه‌گه‌ر بشت خۆم ده‌نگ مه‌كه

مامۆستا هەژار موکریانی